«Құлағу» мен «Бүлікші» жұмыстары психологиялық портрет. Онда ең бастысы адамның ішкі әлемінің ашылуы. Образдағы буырқанған композиция қаһарлы сұлбаның бітімі, портреттің болмысын асқақтата түседі. Осындай көркемдік қасиеті жоғары болғандықтан бұл бейнелер қазақ бейнелеу өнеріндегі үздік туындылар қатарынан орын алады.
2018 жылы ол картонның үстіне көмірмен графикалық портреттер сериясын жасап, портрет жанрындағы шеберлігін де дәлелдеді. Бұл серия қазақ портрет өнерінің нағыз қазынасына айналды. Ұлы Абайдан терең ойлы Қонаевқа дейінгі көрнекті тұлғалардың галереясын жасай отырып, Әли олардың тек сыртқы бейнесін ғана емес, сонымен қатар олардың ішкі әлемінің көрінбейтін формаларын және жасырын тереңдігін көрсетуге ұмтылды. Ол кейіпкер жанының нәзік қылын тап баса білді, бұл жұмыстар олардың ішкі әлемін көрсететін айна іспеттес еді.
